Í dag lögðum við leið okkar í Legelandet hér í Árósum.  Okkur brá nú svolítið þegar kom að því að borga við innganginn þar sem gjaldið fyrir inngöngu hafði hækkað um nær helming frá því við vorum í leiklandi hér úti í nóvember og er þá ekki talið inn í það breytingar á gengi dönsku krónunnar.  Við létum okkur nú samt hafa það og skelltum okkur inn þar sem erfitt er að snúa við með börnin þegar komið er á staðinn.  Við skemmtum okkur öll vel í dag þarna og stoppuðum í rúma 4 tíma, tókum með okkur nesti og höfðum það skemmtilegt.  Þorgeir var enginn eftirbátur barnanna þegar kom að því að leika sér í tækjunum og lét sig vaða með þeim í hoppukastala rennibrautir og margt fleira.  Setti inn nokkrar nýjar myndir úr leiklandinu í dag í nýtt albúm.
Síðan eigum við von á Ásgeiri og Björgvini til okkar á morgun um miðjan dag.  Við ætluðum að reyna að nota fyrri partinn til að fara á ströndina ef veður leifir en mér skilst að það eigi að fara að byrja að rigna hér í Danmörku og rigna langt fram í næstu viku.  Vonum bara það besta.

Kv, Helga og co í Danaveldi

Þá erum við fjölskyldan farin til Danmerkur í sumarfrí í mánuð.  Flugum út á laugardaginn var og gistum hjá Kolbrúnu og co í 3 n´tur.  Við gerðum ýmislegt meðan við dvöldum þar, s.s. fórum til Þýskalands og birgðum okkur upp af gosi og bjór, fórum til Vejle í bambagarðinn og skoðuðum líka safn sem ég man ekki hvað heitir, en þar var hægt að skoða m.a. ruslamenningu Dana, Klóakrottur, geitungabú og margt fleira.  Í gær fórum við fjölskyldan fyrstu ferð okkar í tívolíið hér í Árósum þar sem við munum búa næstu 4 vikurnar og skemmtu allir sér mjög vel.  Magnús reyndar vill aldrei hætta og mótmælti kröftuglega þegar átti að fara heim aftur.  Í dag var svo ferðinni heitið í Legoland þar sem var mikið stuð og mikið gaman.  Við fórum í fullt af skemmtilegum tækjum með börnin og enduðum svo daginn á því að fara í kanóarússíbana sem fer niður foss og allir verða rennandi blautir við lítinn fögnuð Magnúsar og Eddu sem fóru að hágráta á leiðinni niður fossinn en þau voru fljót að gleyma því á leiðinni útúr garðinum þar sem svo margt var að skoða skemmtilegt.  Morgundagurinn verður bara í rólegheitum hjá okkur og lítið búið að plana fyrir næstu daga.  Ásgeir og Björgvin koma svo út til okkar á laugardaginn og er planið að gera heilmargt skemmtilegt með þeim.  Svo þegar þeir fara þá styttist í að Sigga komi til okkar og verður það rosa gaman.  Læt þetta duga í bili.  Setti inn myndir frá síðustu dögum en þær koma allar í öfugri tímaröð sem ég er ekki að skilja.

bless kez kornflex,
Helga, Þorgeir og grislingarnir